Имрӯз (22.10.2024) президенти Академияи миллии илмҳои Тоҷикистон, узви вобастаи АМИТ Хушвахтзода Қобилҷон Хушвахт аз ҷараёни даври чоруми озмуни ҷумҳуриявии "Илм фурӯғи маърифат", аз номинатсияи химия, ки дар Донишгоҳи миллии Тоҷикистон баргузор гардида истодааст боздид намуданд.

Озмуни ҷумҳуриявии “Илм фурӯғи маърифат” таҳти сарпарастии Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон муҳтарам Эмомалӣ Раҳмон бо мақсади амалисозии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар илм ва маориф баргузор меградад.

Бояд гуфт, ки озмун бо мақсади рушди тафаккури техникӣ тарғибу ҷаҳонбинии илмӣ дастрасӣ пайдо намудан ба техника ва технологияи нав байни хонандагони муассисаҳои таҳсилоти миёна умумӣ ва таҳсилоти олии типпи нав, аз ҷумла литсей ва гимназияҳо ва умуман кормандони касбу кори гуногун роҳандозӣ гардидааст. Озмун аз рӯи ҳафт номинатсия аз ҷумла математика, физика ва астрономия, химия, биология, геология, география, технологияи иттилоотӣ, ихтироъкорӣ ва навоварӣ гузаронида мешавад.

Баргузории ҳамасолаи озмуни ҷумҳуриявии “Илм фурӯғи маърифат” саҳифаи нав дар раванди эҳё намудани анъанаи аҷдодии миллати мо мебошад, ки ба инсоният силсилаи нобиғаҳоро дода, сатҳи донишандӯзӣ, таҳқиқот ва дар умум илми тоҷикро то ба садри илми ҷаҳонӣ баровардаанд.